Ti eyerst sayt fon unser ofitsyaal site tsaycht artikele un wiiteos woo kemacht sin fer ti acht ruufe fon eerliche layt woo khee Yeehoowa sayn Tsayer sin. (Aph. 13:48) Tiise sayt pringt ofts sache foer woo in te notisye sin orer iwer was ti layt fertseele.

Wii khanst tuu ti eyerst sayt fom jw.org in te preetich penutse?

• Tuu te site reeklich pesuuche. Kep acht fer ti artikele woo foer xteen un tenk traan aan wii khanst tuu tii penutse fer een persoon helfe woo interes hot. (Fer anere artikele fine woo khërtslich in te sayt foer kextelt woer sin, trik uf “Kuk mee”.) Te site ofts mool pesuuche tuut tich helfe naye itee kriin fer mit te layt iwer ti Piipel fertseele.

• Penuts artikele un wiiteos woo in te eyerst sayt foer xteen fer een kexpreech aan fange. Tii khene uns helfe itee kriin iwer was ti layt im teritoryum fiilaycht sich ketanke mache.

• Tsaych ti eyerst sayt fom jw.org fer ti layt. Tsaych spetsiifixe sache un wii te persoon te site penutse khan.

• Xik een link. Etliche tuun net kërn perseenlich mit een Yeehoowa sayn Tsayer fertseele, awer tii sin wilich fer unser site pesuuche. Tan, xik fer layt woo interes hon een link fon te eyerst sayt fom jw.org orer een link fon een artikel orer wiiteo woo tat foer xteet.