Tam jun kin japiy jw.org, tin tujtal neʼets ka tejwaméj i artículos ani i videos. Patal axéʼ kʼwajat tsʼejkadh abal an atiklábchik axi yabaye in exlál tin kwéntaj a Jehová (Hch 13:48). Tanáʼ u kalel yan i olchixtaláb kʼal tin kwéntaj jun i kʼibataláb axi in kwaʼal an atiklábchik o kʼeʼat jantʼoj axi in tsuʼúmal ban noticias.

¿Jantʼiniʼ a éjtowal ka eyendhaʼ ban olnomtaláb jawaʼ kʼwajat tin tujtal an página jw.org?

• Etsʼey ka japiy jw.org abal ka tsuʼuw jantʼoj waʼats. Ka tʼajaʼ ti kwéntaj jantʼoj tam artículos waʼats ani ka tsalpay jantʼiniʼ a éjtowal ka eyendhaʼ abal ta ólnom (max a léʼ ka exlaʼ jantʼoj tam kʼeʼat i artículos waʼats tin tujtal an página jw.org, ka niʼchij juʼtáj in ulal «Ver más»). Neʼets ka elaʼ yan jantʼoj abal ta ólnom ani neʼets ka lej kulbétnaʼ.

• Ka eyendhaʼ an artículos ani an videos axi kʼwajat tin tujtal an página jw.org abal ka tujchij ta tʼilom. Neʼets ti tólmiy abal ka exlaʼ kʼal jantʼoj tu tʼeʼpindháb an atiklábchik.

• Ka tejwamédhanchij an atikláb jantʼoj waʼats tin tujtal an página jw.org. Ka ólchij an atikláb jantʼoj waʼats tanáʼ ani ka exóbchij jantʼiniʼ kin aliy más i olchixtaláb.

• Ka abaʼ jun i enlace. Talchik i atikláb yab in kulbetnál ka tʼilmayat tin kwéntaj an Biblia, pero in ulal abal neʼets kin ejtow ka otsits ti jw.org. Jaxtám, ka abchij jun i enlace abal ka otsits ti jw.org o kin elaʼ jun i artículo o video axi tatáʼ a olchíts.