Pun laman ba jw.org ngundan artikel enggau video ti ulih narit ati orang ke baruh ati ti ukai Saksi. (SKR 13:48) Ke suah iya, artikel enggau video nya pasal topik ke suah diperundingka orang tauka benung dalam berita.

Baka ni nuan ulih ngena pun laman ba jw.org ba pengawa nginjil?

• Suah ngelawa laman web. Peratika utai baru ke bisi ba pun laman lalu perundingka baka ni nuan ulih ngena nya kena nulung orang ke bisi minat. (Kena ngiga mayuh agi ke baru diayanka ba pun laman tu, tekan “Peda Mayuh Agi.”) Enti nuan selalu nemu utai ti bisi ba pun laman, nuan ulih berundingka sekeda topik ke ulih dikerandauka nuan ba pengawa nginjil.

• Kena meh artikel enggau video ke diayanka ba pun laman kena ngepunka randau. Tu ulih nulung kitai nemu nama topik ke diperundingka orang bukai ba endur kitai nginjil.

• Tunjukka pun laman nya ngagai orang bukai. Padahka pasal sesiti topik, lalu tunjukka ngagai sida baka ni ulih ngiga penerang ba laman web tu.

• Bekunsika link nya enggau orang bukai. Sekeda orang enggai berandau enggau kitai secara betunga mua, tang sida engka deka ngelawa laman web kitai. Nyadi, anang takut bekunsika link ngagai pun laman web tauka sesiti artikel enggau video ke bisi diayanka dia ngagai orang ke bisi minat.