Wó website duosụọ daba, bọlọụ laamịnị yọmị baratụa kịmịama pịrịmụ vidioama mọ egberitịbịama mọ nanawẹrị emi. (Ac 13:48) News emi egberiama, anịghakpọ kịmịama iroro bá kẹrị ẹrẹtei mịnị egberiama kị tụa wẹrị emi.

Ị́ kpọ egberigbaa yọbị tebara ka kị jw.org bọlọụ yọbị akị egberigbaa apaa emi a o?

• Ifiebosẹ wó website duosụọ. Aya yebo leleipẹlẹ dá, akị baratụa dịsẹnana emi kịmịbo pịrị mụ bara kẹrị iroro. (website bọọ tụa bị na alagha yebo ị́ mọ ẹrẹ dọụ mịni aba“See More.” gbele) Ifiemọsẹ ị́mịnị website duosụọ mịnị aba baratụa ị́ pịrị wẹrị aya egberigbaamụ yeama nana mịnị.

• Bọlọụ yọ bọọ emi egberitịbịbo mọ vidiobo mọ akị kịmịama mọ ẹrẹtei. Bei tụa wẹrị emi yebo baratụa wó pịrị wẹrị wó egberigbaa ete bọọ emi kịmịbo iroro mịnị yebo nimi a paa emi.

• Wó website bọlọụ yọbị akị kịmịama dịa. Zụa egberitịbịama gbaa ụbọ dịa, bá zịnị yelaa yeama dọụ ẹrịmụ bara kpọ akị ụbọ dịa.

• Link bị akị kịmị pịrị. Zụa kịmịama wó pei dọụgha kpọ, ámịnị wó website duosụọ wẹrị funbo goo mịnị. Anị duonị ifiemọsẹ wó website duosụọ mịnị link bị akị a pịrị.