Di sitn dem we de pan di front piej a jw.org, laik di vidiyo dem an so, de de fi elp piipl we wel waahn nuo bout Jeuova. (Aks 13:48) It taak bout tingz we de pan di nyuuz ar we de pan piipl main.

Ou yu kyan yuuz di front piej a jw.org wen yu a priich an tiich?

• Go pan jw.org aafn. Luk pan di paat we se “Wa Wi A Fiicha” we de pan di websait an si ou yu kyan yuuz it wen yu a taak tu sumadi we waahn fi nuo muor bout Jeuova. (Fi si ada tingz we did de pan it bifuo, klik pan di paat we niem “Som Ada Wan.”) Ef yu go pan di websait regila, yu wi aalwiez av sitn nyuu fi taak bout wen yu a priich an tiich.

• Yuuz di sitn dem pan di front piej a di websait fi staat taak tu piipl. Dis wi mek wi nuo wa a som a di sitn dem we de pan piipl main iina wi ieriya.

• Shuo piipl wa de pan di front piej a wi websait. Shuo dem di tapik dem we yu tingk dem wuda lov fi riid an shuo dem ou fi yuuz di websait.

• Sen dem wan lingk. Som piipl mait no waahn taak tu wi fies tu fies bot dem mait-a no av no prablem fi go pan di websait. So no ich fi sen dem wan lingk tu di front piej a wi websait ar fi sen dem wan lingk tu sitn we yu nuo dem wuda lov fi riid ar wach.