Internetnum jw.org nui enkemar papii tura video aents nekatniun wakeriarmin irunui (Hch 13:48 TNM). Yamai nankaamana nuna turutskesha aents warinma enentaimiainia nusha iruneawai.

JW.ORG nui juarmanum ana nujaisha Yuusa chichame itiura etserkamniaitiam?

• JW.ORG nui irunna nu tuke iismek ajata. Jui iista tana nu iisam nujaisha itiura etserkamniaitiam nui enentaimsata (JW.ORG juarmanum yamaipiat jiinkin irunu iistasam nu nukap iista tana nui enkemata). Nui irunna nuka wariniua etserkamniaitiam nuna nekatniun yainmakminiaiti.

• Juarmanum papii tura video irunna nujai Yuusa chichame etserkatin juarkitia. Nui irunna nuka warinma aents ti enentaimin ainia nuna nekatniun yainmakminiaiti.

• Juarmanum ana nu iniaktusarta. Nuinkia ju iruneawai tusam iniaktusam tura itiura ni nekattsa wakeruiniamun wainkiarminiait nusha jintintiata.

• Enlace akuptukarta. Chikichkia iijiai aujmattsatniun nakitiainiaksha JW.ORG nuinkia enkemawarminiaiti. Yuusna nekattsa wakeruiniana nu enlace turutskesha papii nuyanchuka video akuptukarta nu turatin iniaisaip.