Deg usebter amezwaru n wesmel-nneɣ neţţaf tizmamin akk-d bidyuwat ara iḥazen imdanen yesɛan ul yeṣfan (Lcɣ 13:48). Neţţaf lexbaṛat ijdiden akk-d temsal iɣef i heddṛen yemdanen yerna i ten-iceɣben.

Amek i tzemreḍ aţ-ţessexdmeḍ asebter amezwaru n wesmel-nneɣ jw.org deg uberreḥ?

• Ssenqad dima asmel-nneɣ. Wali ayen yellan deg usebter amezwaru n wesmel-nneɣ d wamek i tzemreḍ a t-tessexdmeḍ bac aţ-ţɛiwneḍ albeɛḍ deg uberreḥ (iwakken a d-tafeḍ ayen nniḍen i d-yeffɣen yakan deg usebter amezwaru n wesmel-nneɣ, tekki ɣef “Ẓer akteṛ”.) Ma tessenqadeḍ dima asmel-nneɣ, aţ-ţesɛuḍ tiktiwin tijdidin ara tessexdmeḍ deg uberreḥ.

• Ssexdam tizmamin akk-d bidyuwat yellan deg usebter amezwaru n wesmel-nneɣ iwakken aţ-ţebduḍ ameslay d walbeɛḍ. Ţţawilat-agi zemren a k-ɛiwnen bac aţ-ţeẓreḍ ayen i gceɣben ahat lɣaci umi i teţberriḥeḍ.

• Ssken i lɣaci asebter amezwaru n wesmel-nneɣ. Jbed-ed ddehn-nsen ɣer kra n temsal yellan deg-s, yerna ssefhem-asen amek i zemren ad ssexdmen asmel-nneɣ.

• Ceggeɛ amarraz. Kra n yemdanen ur bɣin ara ad hedṛen yid-neɣ ɛinani, meɛna wejden ad ṛuḥen ɣer wesmel-nneɣ. Ihi, win yebɣan ad yissin akteṛ, ceggeɛ-as amarraz ara t-yawin ɣer usebter amezwaru n wesmel-nneɣ, ɣer yiwet n tezmamt neɣ ɣer yiwet n bidyu yellan deg-s.