Anhte a website home page hta mara da ai sumhpa ni hte video ni gaw, myit ding man ai masha ni a salum hpe hkra ya na matu galaw da ai. (Kas 13:48) Masha ni myit chye, tsun chye ai lam ni (sh) shiga ni hpe madung hku nna chyahkring hkring mara da ya ai.

Hkaw tsun bungli hta jw.org home page hpe gara hku akyu jashawn mai ai kun?

• Website hpe ayan na jep u. Kade n na shi ai aten hta mara da ai lam ni hpe yu yu nna, myit lawm ai ni hpe karum ya na matu gara hku akyu jashawn mai ai lam myit yu u. (Home page kaw kade n na shi ai aten hta mara da ai kaga lam ni hpe tam yu na matu “Grau Nna Yu” hpe dip u.) Website hpe ayan na shang yu ai rai yang, hkaw tsun bungli hta ladat nnan ni lang lu na re.

• Tsun shaga hpang lu hkra, home page hta mara da ai sumhpa ni hte video ni hpe akyu jashawn u. Dai lam ni gaw masha ni hpa hpe myit lawm ai lam chye hkra karum ya lu ai.

• Home page hpe madun dan u. Laksan mara da ai ga baw ni hpe madun dan nna, website hpe gara hku shang mai ai lam madun dan u.

• Link hpe sa ya u. Nkau gaw anhte hte ga n kam shaga tim, website de gaw shang yu mayu ai. Dai majaw, myit lawm ai ni hpang de home page link (sh) laksan sumhpa, video langai a link hpe sa ya na matu hkum htingnut.