Saʼ xtiklajik jw.org wank li naʼlebʼ ut li bʼideo li kʼubʼanbʼil rehebʼ li kristiʼaan li nekeʼraj xtawbʼal li junelik yuʼam (Hch 13:48). Aran naʼelk junjunq li naʼlebʼ li naxchap ribʼ rikʼin li esil ut li nekeʼxik wiʼ xchʼool ebʼ li kristiʼaan.

Chanru taawoksi li xtiklajik jw.org saʼ li puktesink?

• Rajlal twil li qanaʼaj. Kʼe reetal li naʼlebʼ li naʼelk chaawu ut kʼoxla chanru taawoksi saʼ li puktesink. (Re xtawbʼal jalanq chik li naʼlebʼ li tojeʼ xeʼelk saʼ li xtiklajik li qanaʼaj, pitzʼ bʼarwiʼ naxye «Il xtzʼaqobʼ»). Naabʼal li chaabʼil naʼlebʼ taataw re puktesink!

• Oksi ebʼ li bʼideo ut ebʼ li naʼlebʼ li wank saʼ xtiklajik re xtikibʼankil aatinak. Naru taataw ebʼ li naʼlebʼ li naxik wiʼ xchʼool ebʼ li kristiʼaan.

• Kʼut li wank saʼ xtiklajik. Chʼolobʼ wiibʼ oxibʼ li naʼlebʼ ut chʼolobʼ chanru nasikʼmank ebʼ li naʼlebʼ.

• Wotz li xjayalil. Wankebʼ inkʼaʼ nekeʼwulak chiru aatinak qikʼin saʼ kristiʼaanil, abʼan nekeʼraj rilbʼal li wank saʼ li qanaʼaj. Joʼkan naq wotz rikʼinebʼ li kristiʼaan li nekeʼraj xnawbʼal xkomon junaq li xjayalil li wank saʼ xtiklajik li qanaʼaj, joʼ junaq naʼlebʼ malaj bʼideo. Matbʼayk chi xbʼaanunkil!