Пістің сайтта сынны піліп аларға хынчатханнарға хынығ полар статьяларға паза видеоларға ссылкалар пар (Илҷ 13:48). Ол материалларда удаа хабарларда сыхчатхан алай кізілерні сағыссыратчатхан темалар чарыдылчалар.

Нымысчыланыста jw.org тіп сайттың ӧӧн страницазынаң хайди тузаланарға?

• Сайтсар удаа кір тур. Ӧӧн страницада «Таллалғаны» тіп пӧлікте сыхчатхан нимелерге хайығ сал. Худай Сӧзін исчеткен кізее хайдағ материаллар туза поларлар тіп сағын тур. Іди итсең, нымысчыланысха наа сағыстар кір турарлар. (Пу пӧлікте ӱр ниместе сыххан пасха статьяларны таап алар ӱчӱн, «Хоза статьялар» тіп кнопканы пазыбыс.)

• Чоох пастир ӱчӱн, ӧӧн страницадағы статьяларнаң паза видеоларнаң тузалан. Син чуртапчатхан орындағы кізілерге олар хынығ поларлар, арса.

• Кізілерге ӧӧн страницаны кӧзіт тур. Кізее аймах-пасха темаларны кӧзіт паза ағаа кирек информацияны хайди таап аларға чоохтап пир.

• «Ӱлезерге» тіп функциянаң тузалан. Пірее кізілер піснең чоохтазарға хынминчалар, че пістің сайтсар кірерге отказ полбинчалар. Андағ кізее сайттың ӧӧн страницазына алай хайдағ-да статьяға алай видеоға ссылка ыс пирерге чарир.