Di om pej na wi Wɛbsayt gɛt atikul ɛn vidio dɛn we dɛn mek fɔ rich di pipul dɛn we wi de prich to dɛn at. (Akt 13:48) Bɔku tɛm i kin tɔk bɔt tɔpik dɛn we de na di nyuz ɔ tɔpik dɛn we pipul dɛn de tink ɛn tɔk bɔt.

Aw yu go yuz di jw.org om pej we yu de prich?

• Go de chɛk di Wɛbsayt ɔltɛm. Pe atɛnshɔn to di tɔpik dɛn we de de, ɛn tink bɔt aw yu go yuz am fɔ ɛp pɔsin we sho se i want fɔ no mɔ. (Fɔ fɛn ɔda matirial dɛn we dɛn jɔs put na di om pej go na di Inglish Wɛbsayt ɛn klik “See More.”) We wi de chɛk di Wɛbsayt ɔltɛm dat go ɛp wi fɔ gɛt nyu we dɛn fɔ prich to pipul dɛn.

• Yuz di atikul ɛn vidio dɛn we de na di om pej fɔ stat fɔ tɔk to pipul dɛn. Dɛn matirial dɛn de go ɛp wi fɔ no wetin di pipul dɛn na di tɛritri de tink bɔt.

• Sho pipul dɛn di om pej. Tɔk bɔt patikyula tɔpik dɛn ɛn sho di pɔsin aw fɔ fɛn tin dɛn na di Wɛbsayt.

• Sɛn link. Sɔm pipul dɛn nɔ kin want fɔ tɔk to wi fes-to-fes, bɔt dɛn rɛdi fɔ go na wi Wɛbsayt. Nɔ fred fɔ sɛn link to pɔsin we sho se i want fɔ no mɔ fɔ go na di om pej ɔ patikyula atikul ɔ vidio we de na wi Wɛbsayt.