Tɛɛŋgii nɛi hei nɔ yaulaŋ a vidueilaŋ, la toosiaŋ le wanaa nɔ yeemɛiya. (Wal 13:48) La chɔm konalaŋ vɛlɛ a sɔɔŋ waŋnda yiyaŋ nduyɛ ma soo a muŋ okɔɔ woŋ.

Vɛɛ ŋ soliŋ yɛ jw.org kpeku o wali pollo niŋ?

• Wa kɔlaŋ o tɛɛŋgei hei choo teleŋ o teleŋ. Wa mɛɛndaŋndo sɔɔŋ sɛnɛi nda soli o tɛɛŋgei hei choo woŋ, nduyɛ ma yiyaŋ a mɛɛ ŋ tiuba ma soliŋ muŋ kpeku le wanaa nɔ yeemɛiya malaa yɛ. (Le saalɔŋndo sɔɔŋ sɛnɛi nda handu o tɛɛŋgei choo woŋ, chuku “See More.”) Kɔlaŋ o tɛɛŋgei hei choo teleŋ o teleŋ mala num, le ma saaluŋ sɔɔŋ sɛnɛi cho leniŋ ŋ mala num le taasioo sɔlaa, le muŋ soliŋndo kpeku o wali pollo niŋndo.

• Soliŋ buŋgaŋ a vidueila nda soli o tɛɛŋgii hei choo laŋ kpeku le baltaŋ kandɔɔ. Nyɔɔŋ muŋ tiuba miŋ ke naa taasioo a sɔɔŋ waŋnda yiyaŋ okɔɔ o tanda naa niŋndo.

• Chɔm waŋnda tɛɛŋgii nɛi hei. Soo a buŋgaŋ pum okɔɔ, nduyɛ ma chɔm waŋndo mɛɛ wana saaluŋ sɔɔŋ cho o tɛɛŋgii nɛi choo woŋ yɛ.

• Yɔŋ waŋndo nyɛ mala ndu le kɔlaŋ o tɛɛŋgii nɛi choo wo. Waŋnda apum yeema ma soo o naalo sakpo le, kɛ a tiuba ma kuɛ o tɛɛŋgii nɛi choo. Lelaŋ kiisaŋ le wanaa nɔ yeemɛiya yɔŋndo nyɛ mala nda le kɔlaŋ o tɛɛŋgii nɛi choo wo, ɔɔ buŋgaŋ a vidueila nda soli o tɛɛŋgii keŋ choo laŋ te.