Сайтыбыздын башкы бетине жүрөгү таза адамдарга кызыктуу боло турган макалалар менен видеолор чыгып турат (Элч 13:48). Аларда жаңылыктардагы же элди ойлондурган, алар сөз кылган темалар баса белгиленет.

jw.org сайтынын башкы бетин кызматта кантип колдонсоңор болот?

• Веб-сайтка дайыма кирип тургула. Башкы бетке чыккан макалалар менен видеолорго өзгөчө көңүл бургула. «Кызыккан кишиге жардам бериш үчүн аларды кантип колдонсом болот?» — деп ойлонгула. (Башкы бетке чыккан акыркы материалдарды табыш үчүн «Көбүрөөк билүү» дегенди баскыла.) Веб-сайтка эмнелер чыгып жатканынан дайыма кабардар болуп турсаңар, «кызматта эмне деп сөз баштайм» деп кыйналбайсыңар.

• Сөз башташ үчүн башкы беттеги макалалар менен видеолорду колдонгула. Аларда аймактагы кишилерди ойлондурган нерселер чагылдырылышы мүмкүн.

• Башкы бетти көрсөткүлө. Маектешиңердин көңүлүн белгилүү бир темаларга буруп, сайттан маалыматты кантип тапса болорун көрсөтүп бергиле.

• Шилтемелерди жөнөткүлө. Айрымдар биз менен сүйлөшкүсү келбейт, бирок сайтыбызга кирип көрүүнү каалашы мүмкүн. Андыктан кызыккандарга башкы беттин же ал жактагы кайсы бир макаланын же видеонун шилтемесин жөнөткөндөн тартынбагыла.