Peeji yakutalikila yapa webusaiti yesu ilicite makani alimwi a mavidyo akabambwa munshila yeenga yashika pamoyo bantu abo bateshi bakamboni. (Mili 13:48) Liinji papeeji iyi palaba makani aambwa pa nyusi na ayo bantu ngobatoyeeyawo na kubandikawo bunene.

Ino inga mwasebensesha buyani makani acanika papeeji yakutalikila yapa jw.org ndyemutoshimikila?

• Lyoonse amubone makani apya abikwaawo pa webusaiti. Amubone makani ali peculu akabikwaawo conoono akubona mbweenga mwaasebensesha kucafwa muntu usuni kwiiya. (Kwaamba ayi mucane makani amwi akalingaawo conoono papeeji yakutalikila, amutyanke palembetwe ayi “See More.”) Kushiba makani akabikwaawo conoono pa webusaiti kulaakumucafwa lyoonse kuba amakani apya ngeenga mwasebensesha muncito yakushimikila.

• Amutalike mubandi kwiinda mukusebensesha mitwi ya makani alimwi amavidyo acanika papeeji yakutalikila yapa webusaiti. Kusebensesha makani aya alimwi amavidyo kulaakutucafwa kushiba miyeeyo bantu bakumusena nkotushimikila njeenga kabacite.

• Amutondeshe bantu peeji yakutalikila yapa webusaiti yesu. Amusale makani ngeenga mwasuna kusebensesha, akubatondesha mbweenga bacana makani ayo pa webusaiti.

• Amubatumine linki. Bantu bamwi tabasuniiwo kubandika andiswe, sombi inga kabasuni kuya pa webusaiti yesu. Aboobo mutawayiwayi kubatumina linki ya makani acanika papeeji yakutalikila yapa webusaiti na vidyo ili yoonse icanika palubasu ulu.