Mu dibeji dia mbangilu dia site wetu mudi filme ne biena-bualu bienza bua kukoka ntema ya bantu badi kabayi Bantemu badi bakaje wabu. (Bz 13:48) Pa tshibidilu batu balejamu malu a mu ngumu anyi adi mu mitu ya bantu ne adi mukana mua bantu.

Mmunyi muudi mua kuyisha ne dibeji dia mbangilu dia site wa jw.org?

• Ikala ne tshibidilu tshia kutangila bintu bidi mu site. Bala bintu bipiabipia bidibu belamu ne keba mushindu uudi mua kuambuluisha nabi bantu badi basue kumvua bulelela. (Bua kupeta bintu bikuabu bidibu bele matuku mashale aa, tuaku pa “Tangila bikuabu.”) Wewe ne tshibidilu tshia kubala bidi mu site, neupete malu mapiamapia a kuambila bantu mu buambi.

• Buelela pa biena-bualu ne filme bidi mu dibeji adi bua kutuadija kuyukila ne bantu. Bidi mua kutupetesha ngenyi ya tshidi bantu ba mu teritware wetu mua kuikala natshi mu mutu.

• Leja bantu dibeji dia mbangilu adi. Baleja biena-bualu kampanda bisunguluke bidimu, ubaleje kabidi mua kukeba malu mu site wetu eu.

• Tumina muntu kajila (lien) mu tshiamu. Bamue batu babenga kuyukila netu mpala ne mpala, kadi bitaba bua kubuela mu site wetu. Nunku, kuelakanyi bua kutumina bantu ba nanku kajila kadi mua kubafikisha mu dibeji dia mbangilu anyi muaba udi tshiena-bualu kampanda tshisunguluke anyi muaba udi filme udibu baleje mu dibeji adi to.