Hachihanda chamaputukilo ha jw.org hatwama vihande najivindiyo vize vyeji kuhetanga kumichima yavatu vakuwahilila. (Vil 13:48) Hachihanda kana heji kupwanga vihande vize veji kuhanjikanga vaka-kwazana mijimbu navize veji kushinganyekanga vatu nakuhanjika.

Uno munahase kuzachisa ngachilihi chihanda chamaputukilo ha jw.org mumulimo wakwambulula?

• Talenunga hakeyala yetu lwola lwosena. Talenunga vihande vyavihya vanakuhakangaho nakumona omwo munahase kuzachisa vihande kana hakukafwa vatu vakuwahilila. (Hakusaka muwane vihande vikwavo vanahakeho kalinwomu, nyachikenu haze vanambe ngwavo, “Tala Vyavivulu.”) Kutalanga hachihanda kana kuswakumwe, nachimikafwa muwanenga jijila jamwaza jakuzachisa hakwambulula.

• Zachisenu vihande najivindiyo jili hachihanda chamaputukilo mangana muputuke kushimutwila namutu. Vihande kana navitukafwa tutachikize vyuma veji kushinganyekanga vatu vamungalila tweji kwambulwilanga.

• Lwezenunga vatu echi chihanda chamaputukilo. Mulwezenu vihande vimwe viliho nakumukafwa mwakuwanyina vihande hachihanda kana.

• Mutuminenu Liki. Vatu vamwe vanahase kwivwa uli kushimutwila nayetu, oloze vanahase kuya hakeyala yetu. Shikaho, kanda kulangisa kutumina mutu wakuwahilila liki yakumutwala hachihanda chamaputukilo ha jw.org, chipwe kumutumina chihande, chipwe vindiyo yili hachihanda kanako.