Kan website home page-ah chuan mi rilru ṭha pute ngaihven tûr zâwnga tihchhuah thuziakte leh video-te târ lan a ni a. (Tirh. 13:48) Chutah chuan chanchin thara thu târ lante leh mite ngaihtuah leh sawi ṭhin thute chu pho chhuah a ni ṭhîn.

Engtin nge jw.org home page chu rawngbâwlnaa i hman theih?

• Website chu tlawh ziah rawh. Pho chhuah thar ber berte chu hriat tum la, chanchin ṭha ngaihventute ṭanpui nâna chûngte i hman theih dân tûr chu ngaihtuah ang che. (Home page-a tûn hnaia pho chhuah dangte i hmuh theih nân, “Hmuh Belh Rawh,” tih chu hmet ang che.) Kan website-a pho chhuah thar ber berte hriatna chuan rawngbâwlnaah ṭangkai taka hmang thei tûrin a ṭanpui ang che.

• Home page-a pho chhuah thuziakte leh video-te chu mi biak ṭan nân hmang ang che. Chûngte chuan i rawngbâwlna biala mite ngaihtuah mai theih thilte hre tûrin a ṭanpui thei che a ni.

• Mite chu home page hmuh rawh. Thupui engemaw tak chu entîr la; tichuan, website-a luh theih dân kawhhmuh ang che.

• Link thawn rawh. Mi ṭhenkhat chuan hmaichhana inbiak chu hreh mah se, kan website tlawh chu an duh a ni. Chuvângin, chanchin ṭha ngaihventute chu home page an luh theih nân, a nih loh leh chuta pho chhuah thuziak emaw, video emaw an en theih nân link thawn chu hreh suh ang che.