O che kubʼ qʼoʼn xnaqʼtzbʼil ex video toj página de inicio te jw.org tuʼntzun tok kykeʼyin xjal at jun tbʼanel kyanmi (Hch 13:48). Toj página lu, in che kubʼ qʼoʼn xnaqʼtzbʼil at kyoklen tukʼilju in netz qʼamaʼn toj noticia moqa aju in tzaj bʼaj kykʼuʼj xjal tuʼn.

¿Tzeʼn jaku tzʼajbʼen página de inicio te jw.org tuʼna aj tpakbʼana?

• Qʼonka twitza kyiʼj akʼaj xnaqʼtzbʼil. Keʼyinka qe xnaqʼtzbʼil o che kubʼ qʼoʼn ex ximana tiʼj tzeʼn jaku che ajbʼen tuʼna toj pakbʼabʼil (tuʼn tok tkeʼyina mas xnaqʼtzbʼil kʼitzqeku o kubʼ qʼoʼn toj página de inicio, jaku txi tqʼoʼna clic jatumel in tqʼamaʼn «Qʼonka twitza tiʼj chʼintl»). Qa ma bʼant jlu tuʼna, kʼelel tnikʼa kyiʼj junjuntl akʼaj tumel tuʼn tpakbʼaʼna.

• Bʼaʼn tuʼn kyajbʼen xnaqʼtzbʼil tuʼna ex qe video tkubʼ toj página de inicio tuʼn t-xi tzyet tuʼn tyolina. Qa ma bʼant jlu tuʼna, jaku tzʼel tnikʼa tiʼj alkyeqe tiʼchaq in tzaj bʼaj kykʼuʼj xjal tiʼj.

• Yekʼinxa página de inicio kye xjal. Yekʼinxa junjun xnaqʼtzbʼil kye xjal ex tzʼonina kyiʼj tuʼn kyjyon mas tqanil.

• Jaku txi tcompartirina jun enlace. Ateʼ junjun xjal nya kyaj tuʼn kyyolin qukʼil, pero in che okx visitaril qtembʼil te internet. Tuʼntzunju, qa taj jun xjal tuʼn tel mas tnikʼ tiʼj Tyol Dios, jaku txi tsamaʼna jun enlance tuʼn tokx toj jw.org, jun enlace tiʼj jun video moqa tiʼj juntl xnaqʼtzbʼil.