Lor paz lakey nou sit, ena bann lartik ek bann video ki’nn fer pou interes bann dimounn ki pa Temwin Zeova, me ki ena enn bon kondision leker. (Zis 13:48) Souvan se bann size ki ena dan linformasion ouswa bann size ki pe preokip bann dimounn.

Kouma to kapav servi paz lakey jw.org dan predikasion?

• Al lor nou sit regilierman. Pran not bann lartik ek bann video ki ena dan parti “Seki Disponib” ek reflesi kouma to kapav servi sa pou ed enn dimounn ki interese. (Pou gagn bann lezot lartik ek video ki ti fek disponib lor paz lakey, klik lor “Get Plis.”) Kan to res azour avek nou sit, sa pou ed twa pou gagn bann lezot nouvo lide pou servi dan predikasion.

• Servi bann lartik ek bann video ki ena lor nou paz lakey pou koumans enn konversasion. Sa kapav donn nou enn lide lor ki bann dimounn dan teritwar pe panse.

• Montre bann dimounn nou paz lakey. Atir latansion dimounn-la lor bann size spesifik, ek montre li kouma pou servi nou sit.

• Avoy enn link. Sertin dimounn pa tro anvi koz avek nou, me selman zot dispoze pou al lor nou sit. Alor pa ezite pou avoy bann dimounn ki interese enn link pou al lor nou paz lakey. To kapav osi avoy zot enn link pou enn lartik ouswa enn video spesifik ki ena lor la.