ДА ЖИВЕЕМЕ КАКО ХРИСТИЈАНИ
Користи ја почетната страница на JW.ORG во службата
На почетната страница на JW.ORG има статии и видеоклипови кои се направени да бидат интересни за искрените лица кои не се Сведоци (Де 13:48). Честопати се работи за теми за кои се зборува на вестите или за кои луѓето размислуваат и зборуваат.
Како можеш да ја користиш почетната страница на jw.org во службата?
-
Редовно проверувај ја интернет-страницата. Забележи кои статии во моментот се наоѓаат во делот „Наш предлог“, и размисли како би можел да ги искористиш за да му помогнеш на некое заинтересирано лице. (За да видиш кои статии и видеоклипови до неодамна биле на почетната страница, кликни на „Види повеќе“.) Тоа што ќе бидеш во чекор со најновите информации на интернет-страницата ќе ти помогне да имаш нови идеи за службата.
-
Користи ги статиите и видеоклиповите кои се на почетната страница за да започнеш разговор. Тие можат да ни дадат идеи за што можеби размислуваат луѓето на нашето подрачје.
-
Покажи им ја на луѓето почетната страница. Истакни некои конкретни теми и покажи му на лицето како може да пребарува низ страницата.
-
Сподели линк. Некои луѓе не сакаат да зборуваат со нас лично, но се спремни да ја отворат нашата интернет-страница. Затоа, немој да се колебаш на некое заинтересирано лице да му испратиш линк до почетната страница или до некоја конкретна статија или видеоклип што се наоѓа таму.