Nga mwiyulavye e websiti yitu, pano walemba ukuti apakutalicila, pakazanwa ivinde na mavidyo yano wawicilako awantu wano wakavwambisya ukumanya icine. (Imili. 13:48) Ilivule, pakazanwa amalyasi yano awantu wakakwivwa swinya yano wakulandapo cila mpindi.

Uzye nomba mungawomvya wuli apakutalicila pa jw.org pano muli mu mulimo?

• Mwalolapo cila mpindi. Mwakwelezya na maka ukulola ivipya vino vilipo nukulola vino mungaviwomvya ku kwavwa wano wakalondesya ukusambilila icine. (Pakuzana ivipya na vinji vino vili apakuti apakutalicila, tinikani pano watili “Lolani na Vinji.”) Ukumanya ivipya vino vili pa websiti kulimyavwa ukumanya inzila impya zino mungawomvya pano mukuwizya.

• Mwawomvya Ivipande na ma Vidyo Yano Yakazanwa Apakutalicila Pakutalika Ukulanzyanya nu Muntu. Vyo-o vingatwavwa ukumanya vino awantu muno tukawizizya wakwelenganya.

• Mwalanjizya awantu apakutalicila. Landaniko pi lyasi limwi nukumulanjizya vino angazana vyovyo ivyewo pa websiti.

• Mwawatumilako e linki. Awantu wamwi wakakana ukulanzyanya na sweswe, lelo pa webusti peni wakaya. Acino mutazyela ukutumila wano wakulonda ukwivwa icisinka e linki yino yingawatwala apakutalicila nanti e linki ya cipande nanti e vidyo yino yikuzanwapo.