Kampa peua jw.org moajsij tamachtilismej uan videos tein chijchiujtokej para kinyolnotsas akin kinekij momachtiskej (Hch 13:48). Ompa nesij tamachtilismej tein ika tajtouaj seki taman tein panoua itech taltikpak oso tein miakej kintekipachoua.

¿Keniuj uelis tikonkuis tamachtilismej tein moajsij kampa peua jw.org para ika tiontanojnotsas?

• Xikonita tein kistiuj itech jw.org. Xikonita tamachtilismej kampa kijtoua “Tein no uelis tikonitas” uan xikonnemili keniuj uelis ika tiontanojnotsas. (Komo tikonneki tikonitas okseki tamachtilismej tein yankuixtok kiskej, xikonpatskili kampa kijtoua “Xikonita okachi”). Semi mitsonpaleuis okachi xikonmati toni ika tiontajtos keman tiontanojnotsas.

• Xikonkui tamachtilismej uan videos tein nesij kampa peua jw.org para ika peuas tiontanojnotsas. Uelis mitsonpaleuis xikonmati toni kintekipachoua akin tikonnojnotsas.

• Xikonnexti kampa peua jw.org. Ika xiontajto seki tamachtilismej uan xikonnexti keniuj uelis kitemoskej se tamachtilis.

• Xikontitanili aksa tein ika uelis kitapos se tamachtilis. Sekin amo kiuelitaj tajtoskej touan, sayoj ke kiuelitaj kitaposkej jw.org. Akin kinekij kimatiskej okachi, xikontitanili kampa sayoj kipatskiliskej uan kintapouilis kampa peua jw.org, se tamachtilis oso se video. ¡Xikonchiua!