Enzuko ye site yetu yirimo myatsi n’esyovideo esyanganatsemesya abandu abate Bimiri ba Yehova. (Emib 13:48) Kangyi-kangyi ikakanaya oko syongulu esiri oko lughale.

Wanganakolesya ghuti enzuko ye site yetu eye jw.org omo mubírí w’eritulira?

• Ubye ukakingula esite yetu yo kangyi-kangyi. Ughuse eliso n’oko yindi myatsi eyikasa oko kayani ako, n’erilangira nga wangakolesyayo ghuti eriwatikya omundu oywanzisibwe. (Wamanza eribana eyindi myatsi eya lino-lino eyikabanika oko nzuko y’esite yetu, tula oko “Minya bingyi.”) Eribya ighunasi emyatsi mihya eyikabanika oko site yetu kikakuwatikaya eribana emyatsi mihya ey’erikolesya omo mubírí w’eritilira.

• Ubye ukakolesya emyatsi n’esyovideo esiri oko nzuko y’esite yetu eritsukisya omukania. Emyatsi eyo yanganaleka itwaminya ebiri oko lughale omo kiharo kyetu.

• Ubye ukakangania abandu enzuko y’esite yetu. Uhire omuwato oko myatsi eyiri oko lughale, n’erikangania omundu ngoko angakolesya esite yetu.

• Ubye ukatumira abandu be lien. Abandu bangyi sibalianza erikania netu busu kwa busu aliwe bakanza erikolesya esite yetu. Kwesi isiwatika-tika eritumira omundu oywanzisibwe e lien y’enzuko y’esite yetu kutse erimutumira eyindi myatsi kutse evideo eyiri oko lughale.