Mo site yetu konthyimbi yatyo kuna omikanda no novindiu, mbalingwa pala okukwatesako ovanthu vesuka notyili. (Ovil. 13:48) Haunene umwe pana papopiwa ovipuka vikahi nokweenda mouye, novipuka ovanthu vasoka, neevi vesuka navio.

Oñgeni upondola okwivisa no nonthele ombo?

• Wahakale ehimbwe otyo wahatale-mo. Etyi wamavasi-mo otale okuti upondola okulongesa natyo ovanthu, tyihoneka. (Opo uvase omikanda no novindiu mbapakwa-mo pahetyino, manga pana pokwati: “Tala Vali.”) Ovipuka ovio ovipe vipakwa-mo, vipondola okukukwatesako otyivili okupopia ovipuka ovanthu mavesuku navio.

• Tyina uhimbika etompho movilinga viokwivisa, upondola okupopia ovipuka vili konthyimbi mo site yetu. Ovipuka ovio vitukwatesako okutala ovipuka ovanthu vesuka navio apa twivisa.

• Ononthele mbatyo ombo mbo konthyimbi mbulekesa ovanthu. Velekesa ononthele ombo, ovelongesa oñgeni vapondola okumbuvasa.

• Vetuma olingi yatyo. Ovanthu vamwe kavahande okupopia nonthwe evi viayemba ku Huku, mahi vahanda umwe okutala etyi tyili mo site yetu. Wahalinge oluhuhu lwokuvetuma ononthele ombo mbokuli mo site yetu. Tyina uti pokuvetuma, vetuma umwe ovindiu yatyo nonthele yatyo wahanda vatale, wehevetume vala olingi.