Pa tsamba lakuyambirira la mu webisaite yathu pambakhala na nkhani pabodzi na mavidiyo yomwe yadaikhidwira wanthu wale omwe ni Mboni lini za Yahova. (Mab 13:48) Kazinji-kazinji pambakhala na nkhani zomwe zimbakhala zikulewa bza bzomwe wanthu akulewa na kukumbuka.

Kodi tingaphatise tani basa tsamba lakuyambirira la pa jw.org mu upalizi?

• Mbawonani webisaite yathu kawiri-kawiri. Onani nkhani zomwe ziri pa mbali yakuti Bzinthu Bzomwe Bziripo ndipo onanimbo momwe mungaphatisire basa nkhani zimwezi kuti muthandize munthu omwe akufuna kudziwa bzizinji. Mukambawerenga mbali zimwezi mun’dzakwanisa kukhala na nfundo zomwe mungaziphatise basa mu upalizi.

• Phatisani basa nkhani na mavidiyo yomwe yali pa tsamba lakuyambirira kuti muyambise maceza. Nkhani zimwezi zingatithandize kudziwa bzomwe wanthu wa m’gawo lathu akukumbuka.

• Alatizeni wanthu tsamba lakuyambirira la jw.org. Latizani munthu nfundo zinango zomwe ziri pa tsamba limweri ndipo muthandizeni kudziwa momwe angagumanire nkhani zinango mu saite imweyi.

• Atumizireni linki. Wanthu winango ambafuna lini kuceza nafe nkhope na nkhope, tsono iwo ambafuna kuwerenga nkhani zomwe ziri mu saite yathu. Ndipopa lekani kuzeza kutumiza linki ya saite yathu kwa wale omwe akufuna kudziwa bzizinji ayai kuwatumizira nkhani ayai vidiyo ya mu saite yathu.