Ipeji lya pabwandilo pa webusayiti yitu pikwaghiwa inkhani na mavidiyo agha ghatendekesiwe ukuti ghabatule abandu abandumbula inunu aba bakaya Baketi ba Yehova. (Imb 13:48) Utubalilo twingi likunangisya imitu ya nkhani isi abandu bikwinong’ona nukuyoba.

Ngimba tubaghile ukubombela bulebule ipeji lya pabwandilo pa jw.org mubufumusi?

• Muketengepo pa webusayiti akabalilo kosa. Muketengepo inkhani isi sibikiwepo mwalululu kangi mwinong’oneleghe muno mubaghile ukubombela ukuti muntule umundu uyu ikulonda ukumanya nyingi. (Ukuti mufyaghe ifi fibikiwe mwalululu pa peji lya pabwandilo binda pa “Keta Fingi.”) Ukumanya isi sibikiwe mwalululu pa webusayiti fikuya pakututula ukuti tungatamiwagha ukusyagha inkhani isyakuti tuyobesanie na bandu mubufumusi.

• Mubombeleghe inkhani na mavidiyo agha ghabikiwe pa peji lya pabwandilo ukwanda ukuyobesania na bandu. Ikighaba iki kibaghile ukututula ukumanya isi abandu ba nkighaba kyitu bikwinong’ona.

• Mubanangisyeghe abandu ipeji lya pabwandilo. Mubanangisyeghe inkhani simo kangi muno babaghile ukusyaghila pa webusayiti.

• Mubapeghe ilinki. Abandu bamo batikulonda ukuyoba nanuswe maso na maso loli bikulonda ukwingila pa webusayiti. Yonongwa yake mungakabilagha ukubatumila ilinki abandu aba bikulonda ukumanya nyingi isya pa peji lya pabwandilo, inkhani yimo pamo ividiyo.