Ha näꞌä rä mu̱di página de jw.org nzäntho po̱ni yä bideo ꞌne märꞌa yä imformäsio näꞌä dä za dä ho nuꞌu̱ yä zi jäꞌi honi Äjuä (Hch 13:48). Ha nunä página po̱ni näꞌä nheki ha yä notisia ꞌne märꞌa yä asunto näꞌä tupäbi yä mu̱i yä jäꞌi.

¿Hanja dä za gi usa näꞌä po̱ni ha näꞌä rä mu̱di página de jw.org pa gi predika?

• Nzäi gi hñeti näꞌä po̱ni ha nunä página. Hyandi näꞌä rä imformäsio po̱ni ha nunä página ꞌne mbeni hanja dä za gi usa ha rä predicación. (Pa gi hyandi nuꞌu̱ yä imformäsio ja xä bo̱ni ha rä mu̱di página de jw.org, su̱ꞌti habu̱ enä «Hyandi märꞌaa»). ¡Gi nuhmä ge ma gi tini ndunthi yä imformäsio nuꞌu̱ ma dä maxꞌäꞌi ha rä predicación!

• Usa nuꞌu̱ yä bideo ꞌne märꞌa yä imformäsio po̱ni ha nunä página pa gi fu̱di gi ñäui nꞌa rä jäꞌi. Nuꞌu̱ yä imformäsio po̱ni ha nunä página dä za dä maxꞌäꞌi gi pädi te tupäbi yä mu̱i yä jäꞌi.

• ꞌÑuti yä jäꞌi rä mu̱di página de jw.org. ꞌÑuti rꞌa de nuꞌu̱ yä imformäsio jabu̱ ꞌne xipäbi hanja dä za dä dini märꞌaa.

• Pe̱hni nꞌa rä link. Ndunthi yä jäꞌi hingi ho dä mplatika kongekhu̱, pe hää ho dä hyandi näꞌä ja ha jw.org. Hänge ora gi predikabi nꞌa rä jäꞌi ꞌne gi handi ge di ho näꞌä gi uti, ogi duda ꞌne pe̱mpäbi nꞌa rä link de rä página jw.org, o rä link nꞌa rä bideo o de mä nꞌa rä imformäsio.