Tsamba yoyamba ya pa saiti yathu ina mavidiyo na mabukhu vomwe vidakonzewa mochitisa chidwi kuti vithandize wanthu omwe anantima wabwino maninge. (Mac 13:48) Nthawe zizinji ifotokoza nkhani zomwe wanthu aganizira komasoti kukambirana.

Ko mungaphatise tani basa tsamba yoyamba ya pa jw.org mu umboni?

• Mbaonani tsamba mweyi kawiri-kawiri. Onani vinthu vomwe vayikhiwa manjemanje ndipo ganizirani momwe mungavibatisire basa pa kuthandiza munthu wachidwi. (Kuti mudziwe nkhani zinango zomwe zandobula manjemanje patsamba yoyamba mweyi, tinyani pomwe anemba kuti “Onani vinthu vinyowani.”) Kudziwa mpfundo za pa saiti mweyi kudzakuthandizeni kuphatisa basa njira zinyowani zolalikilira.

• Phatisirani basa nkhani na mavidiyo yomwe yali pa tsamba yoyamba kuti muyambise macheza. Nkhani mwezi zingakuthandizeni kudziwa vinthu vomwe wanthu wa mu dera yanu achaganiza.

• Wonesani wanthu tsamba yoyamba ya saiti yathu. Waoneseni momwe angaphatisire basa tsamba mweyo.

• Mupaseni linki ya saiti yathu. Wanthu anango akondalini kuyankhula nase maso na maso koma abvuma kungena pa saiti yathu. Vikakhala teno ayi kuzeza kuwapasa linki ya tsamba yoyamba ya saiti yathu panango nkhani na vidiyo yomwe ili pamwapo.