Home page lo website blo iumi hem garem olketa article and olketa video wea olketa designim for kasem heart blo pipol lo pablik. (Ac 13:48) Staka taem, hem storyim olketa topic wea savve kamap lo nius or wat pipol savve tingim and story abaotem.

Hao nao iu savve iusim jw.org home page lo ministry?

• Checkim website evritaem. Luk for olketa article wea just kamap, and ting raonem hao nao iu savve iusim for helpem samwan wea interest. (For faendem olketa nara article wea just kamap lo home page, click lo “Lukim Samfala Moa.”) Hem gud for iu up-to-date witim website, bikos datwan bae helpem iu for garem niu samting for iusim lo ministry.

• Iusim olketa article and olketa video wea stap lo home page for startim story. Hem mekem iumi for garem olketa idea lo wat pipol lo territory maet ting abaotem.

• Showim home page lo pipol. Storyim olketa main topic, and showim lo hem hao for iusim website.

• Sharem wanfala link. Samfala pipol no laek for story feis tu feis, bat olketa hapi for go lo website. So no hol bak for sendem link lo samwan wea interest lo home page or link blo wanfala article or video wea stap lo there.