ساڈی ویب‌سائٹ دے پہلے صفحے تے ایہو جہیاں ویڈیوز تے مضمون نیں جیہڑے بائبل چ دلچسپی لین والے لوکاں دا دھیان اپنے وَل کھچ دے نیں۔ (‏اعمال 13:‏48‏)‏ ایہدے چ ایہو جہے موضوعاں تے گل کیتی جاندی اے جنہاں بارے لوک جاننا چاہندے نیں یاں فیر جنہاں بارے خبراں چ دَسیا جا رہیا ہوندا اے۔‏

تُسی jw.org دے پہلے صفحے نُوں مُنادی چ کیویں استمال کر سکدے او؟‏

• ویب‌سائٹ نُوں باقاعدگی نال ویکھدے رہوو۔‏ ویکھو کہ ‏”‏کجھ خاص مضمون“‏ والے حصے چ کیہڑے موضوعاں تے گل کیتی گئی اے۔ فیر غور کرو کہ تُسی ایہناں بارے کسے دلچسپی لین والے بندے نال کیویں گل بات کرو گے۔ (‏نویں مضمون تے ویڈیوز ویکھن لئی پہلے صفحے تے ‏”‏ہور ویکھو“‏ والے حصے تے کلک کرو۔)‏ ویب‌سائٹ نُوں باقاعدگی نال ویکھن نال تُسی مُنادی چ لوکاں دی دلچسپی دے مطابق فرق فرق موضوعاں تے گل کر سکو گے۔‏

• پہلے صفحے تے دِتے گئے مضمون تے ویڈیوز نُوں گل بات شروع کرن لئی استمال کرو۔‏ ایہناں توں سانوں ایہہ جانن چ مدد مِلدی اے کہ ساڈے علاقے دے لوک کیہڑے موضوعاں بارے گل کرنا پسند کردے نیں۔‏

• لوکاں نُوں ویب‌سائٹ دا پہلا صفحہ وکھاؤ۔‏ خاص موضوعاں تے دھیان دَواؤ تے لوکاں نُوں وکھاؤ کہ اوہ ویب‌سائٹ نُوں کیویں استمال کر سکدے نیں۔‏

• لنک‌شیئر کرو۔‏ کجھ لوک ساڈے نال گل کرنا نئیں چاہندے پر اوہ ساڈی ویب‌سائٹ بارے جاننا چاہندے نیں۔ ایس لئی دلچسپی رکھن والیاں نُوں ویب‌سائٹ دے پہلے صفحے دا لنک یاں ایہدے تے دِتے گئے کسے خاص مضمون یاں ویڈیو دا لنک ضرور گھلو۔‏