Nan home page en neitail website, mie oaralap oh kisin kasdo kan me wiawihda pwehn kamwakid aramas mohngiong mwahu kan me kaidehn Sounkadehdehn Siohwa. (Wi 13:48) E kin kalapw kasalehda oaralap kan me mi nan nuhs kan de me aramas akan kin medemedewe oh koasokoasoia duwe.

Ia duwen omw kak doadoahngki home page en jw.org nan omw kalohk?

• Kaukaule tetehk neitail website. Tetehk dahme kapw me kin kohda nan wasa me nda “Soahng kan me Kasansalda,” oh medewe ia duwen omw pahn kak doadoahngki pwehn sewese aramas akan me perenki rong. Omw kin wadekala soahng kapw kan nan neitail website pahn seweseiuk en medewehda wiepe kapw kan pwehn doadoahngki nan kalohk.

• Doadoahngki oaralap oh kisin kasdo kan me mi nan home page pwehn tapihada koasoi. Met kak seweseiuk en ese dahme aramas akan nan omw wasahn kalohk ele kin medemedewe.

• Kasalehiong aramas akan home page. Kasalehda ire kan me ke men doadoahngki, oh kasalehiong aramaso ia duwen e kak rapahki ireo nan website.

• Ehukihong aramas akan ehu link. Ekei aramas sohte men koasoiong kitail, ahpw re pahn perenki kohla nan neitail website. Eri dehr pweiek en kadar ong me men rong kan ehu link en home page de ehu oaralap de kisin kasdo me kasansalda wasao.