Paẑina di kumsada di no site tene artigus ku videos ku fasidu pa coma atenson di jintis sinseru ki ka Tustumuñas di Jeova. (At 13:48) Manga di bias i ta fala di nobu asuntus ku jintis ta pensa nel i papia del.

Kuma ku bu pudi usa paẑina di kumsada di jw.org na pregason?

• Visita site sempri. Sta atentu ku kusas ku kumsa pudu na distaki, i jubi kuma ku bu pudi usa elis pa juda kilis ku sta interesadu. (Pa oja asuntus ku puduba nin i ka tarda na paẑina di kumsada kalka na “Ver Mais.”) Sta atentu ku site na judau tene nobu ideias pa usa na pregason.

• Usa artigus ku videos ku sta na paẑina di kumsada pa kumsa kombersa. Es kusas pudi danu ideia di ke talves ku jintis di no tiritoriu sta na pensa nel.

• Mostra jintis paẑina di kumsada. Distaka un asuntu, i mostra algin kuma ki pudi oja informason na no site.

• Manda link. Alguns jinti ka ta misti papia ku nos pesualmenti, ma e ta misti visita no site. Pa kila manda link di paẑina di kumsada, di un artigu o video ku sta la pa kilis ku sta interesadu.