Galanan caj jw.org paginanchicho caycan acracämushga yachachicuycuna y videucuna Diospita yachacuyta munaj ali shonguyoj runacunapaj (Hch 13:48). Chaychoga yargamun runacuna parlaycashgan noticiacunapita o ima yarpachacächishgancunapitapis.

¿Imanotaj predicanquiman jw.org paginanchipita galanan caj yachachicuycunawan?

• Cada cadala paginanchita ricay. “Gampäno” nishganta ricay y chaycunawan imano predicanayquipaj yarpachacuy. (Galanan cajcho chaylaraj yargamushga yachachicuycunata ricanayquipaj “Masta ricäriy” nejcho lapiriy). ¡Chaychomi tarinqui shumaj yachachicuycunata runacunawan ali parlanayquipaj!

• Paginanchipa galanancho caycaj videucuna y yachachicuycunawanpis parlayta galaycuy. Chaycho yurimun imacunapita runacuna yarpachacärin.

• Paginanchipa galanan cajta ricarcachiy. Juc ishcay yachachicuycunata acray, nircur imano tarinanpaj yachachiy.

• Juc enlacita apachinquiman. Waquincunaga watucananchita munanchu, ichanga paginanchiman yaycuyta munan. Chaymi paginanchipa galanancho cajpita, videucunapita o ima yachachicuycunapitapis juc enlacita apachinquiman.