Jw.org päginapa qallanan kaqchömi imëka tëmakuna y videukuna yarqamun, tsëwanmi Diospita yachakuyta y imëyaqpis kawëta munaq nunakunata yachatsita puëdintsik (Hch 13:48). Tsëchömi noticiakunachö yarqamunqankuna o nunakuna imakunapaq yarpachakuyanqan yarqamun.

¿Imanötan jw.org päginapa qallanan kaqta yachatsikunëkipaq utilizankiman?

• Jw.org päginaman seguïdu yëkuy. Tsëchö yarqamoq tëmakunata rikë y tsëwan Diospita imanö yachatsikunëkipaq kaqman pensë (mas tëmakunata rikänëkipaq jw.org päginapa qallananchö, “Masta rikäshaq” neqman yëkuy). ¡Tsëchö yarqamoqkunaqa alli yachatsikunëkipaqmi yanapashunki!

• Jw.org päginapa qallananchö yarqamoq tëmakunata y videukunata utilicë yachatsikur qallanëkipaq. Tsëchö yarqamoqkunaqa yanapashunki nunakuna imapaq yarpachakuyanqanta musyanëkipaqmi.

• Jw.org päginapa qallananta rikätsi. Tsëchö këkaq wakin tëmakunata rikätsi y masta yachakuyta munanqan kaqta ashinampaq yachatsi.

• “Compartir enlace” neqta utilicë. Wakin nunakunaqa noqantsikwan parlëta mana gustarpis, Internet päginantsikman yëkuyänampaq nishqaqa yëkuyanmi. Tsënö nunakunata tarirqa jw.org päginapa qallananman yëkunampaq, jw.org päginachö ima tëmatapis leyinampaq o juk videuta rikänampaq enläcita mandë.