JW.ORG-pi tiyaj callari paginapica ‘alli shunguta charij’ gentecunaman yachachingapajmi Bibliamanta temacuna, videocuna tiyan (Hch 13:48). Chaipica noticiacunapi llujshishca temacuna, gentecuna yachasha nishca temacunami ricurin.

JW.ORG-pi tiyaj callari paginahuanca ¿ima shinataj predicai tucungui?

• Cunanlla llujshishca temacunata liyi. “Caita ricui” nishca partepi ricurij temacunata liyi. Shujtaj temacunata ricungapajca callari paginapi “Ashtahuan ricui” nishcapi llapi. Chai temacunahuan ima shina predicai tucushcata yuyai.

• Parlashpa callaringapajca callari paginapi tiyaj temacunata, videocunata utilizai. Chai temacunaca gentecunahuan imacunamanta parlanata yachangapajmi ayudanga.

• Gentecunaman callari paginata, chaipi tiyaj temacunata ricuchi. Shinallataj ashtahuan informacionta ima shina mashcai tucushcatapish yachachi.

• Shuj enlaceta cachai. Huaquincunaca ñucanchijhuan parlanataca manachari munangacuna. Pero jw.org paginaman yaicunatachari munangacuna. Callari paginaman yaicuchun, shuj temata liyichun o shuj videota ricuchun shuj enlaceta cachai.