Jw.org “qallariynin” niqpim kachkan videonchikkuna hinaspa sumaq qillqanchikkuna Diosmanta yachay munaq runakuna qawanankupaq (Hch 13:48). Chaypim lluqsimun noticiakunapi pasakusqanmanta willakuykuna chaynataq runakunapa yachay munasqanmanta willakuykunapas.

Jw.org “qallariynin” niqmanta runakunaman yachachinapaq imakuna ruwanamanta.

• Ñuqanchikraqmi allinta yachananchik “qallariynin” niqpi imakuna kasqanmanta. Chaynaqa “allinnikipaq kaqkuna” niqpi rikurimuqkunataraqmi puntata qawananchik, hinaspam yuyaymanananchik chay yachachikuykunawan runakunaman imaynata willanapaq (huk yachachikuykunata qawanapaqqa “astawan qawanapaq” niqtam ñitinanchik). Chaypim tarisun achka yachachikuykunata Diosmanta sumaqta willakunapaq.

• Runakunawanqa rimayta qallaykuchwan “qallariynin” niqpi rikuriq videokunawan hinaspa yachachikuykunawanmi. Chaypi rikuriq yachachikuykuna hinaspa videokunam yanapawasun runakunapa yachay munasqanmanta willakunapaq.

• Runakunamanmi qawachinanchik jw.org “qallariynin” niqta. Chaypi yachachikuykunamanta wakinta qawachinapaq hinaspa imaynata maskananpaq yachachisun.

• Jw.org nisqanman yaykunankupaqqa enlace nisqanta celularninman apachisun. Wakin runakunaqa ñuqanchikwanqa manam rimayta munankuchu, ichaqa jw.org nisqanmanmi yaykuyta munanku. Chaynaqa Diosmanta yachay munaq runakunaman jw.org qallariynin niqpa enlacenta apachisun utaq chaypi mayqin videopatapas utaq mayqin qillqapatapas enlacenta apachisun.