Κι ανγκλαϊνί σελίδα κο ιστότοπος αμαρό, υπαρχίντιβενα θέματα ντα βίντεα σο ισί αντικάς κερντέ για τι ταρτίνεν ι τζενέν σο τθερένα λατσσό γκι ντα νανέ Μάρτυρες ι Ιεχωβάσκε. (Πρ 13:48) Μπουτ φαρ κι ανγκλαϊνί σελίδα ισί θέματα πραγματέντζαρ σο αβένα-πες αμαρέ ντιβεσέντε ή θέματα σο σκεφτίνενα ντα χάλα ανάγκη ι τζενέν.

Σαρ μπορίνενα τι χρησιμοποιήνεν κο έργος ι ανγκλαϊνί σελίδα κο jw.org;

• Τι ντεν μπουτ φαρ κο ιστότοπος. Τζαν κο ιστότοπος οτθέ σο βακερέλα «Σο Μανγκάσα τι Σικαβάς Τουμένγκε» ντα σκεφτίνεν σαρ κα μπορίνενας τι χρησιμοποιήνεν ο θέματα σο ισί οτθέ για τι βοηθίνεν εκχέ τζενές σο μανγκέλα τι σικλιόλ. (Για τι αρακχέν πο μπουτ θέματα τζαν κο μπαλαμανό ιστότοπος οτθέ σο βακερέλα «Προτεινόμενα» ντα ισταβέν «Δείτε Περισσότερα») Άμα ντένα μπουτ φαρ κο ιστότοπος, κα αρακχέν νεβέ τρόπους για τι αρχίνεν συζητήσεις ι τζενέντζαρ κο έργος.

• Τι αρχίνεν συζητήσεις αντράλ κατά θέματα σο υπαρχίντιβενα ακανά κι ανγκλαϊνί σελίδα. Ανταλά θέματα μπορίνενα τι βοηθίνεν-αμέν τι αγαβάς σο ανησυχίες μπέκιμ τι τθερένα ο τζενέ αμαρέ τομεάστε.

• Τι σικαβέν κο τζενέ ι ανγκλαϊνί σελίδα. Σικαβέν λένγκε συγκεκριμέ θέματα ντα σαρ μπορίνενα τι ρόντεν κο ιστότοπος.

• Μπουτσσαβέν εκ σύνδεσμος. Μερικά τζενέ να μανγκένα τι κερέν αμέντζαρ λάφι, αλλά να τθερένα πρόβλημας τι ντεν αντρέ κο ιστότοπος αμαρό. Οτθάρ, μα σακιντίνεν τι μπουτσσαβέν ο σύνδεσμος κο τζενέ σο μανγκένα τι σικλιόν για τι τζαν κι ανγκλαϊνί σελίδα ή εκχέ θεμάστε ή βιντεόστε.