Di home page u di JW.ORG website fuu abi woto ku fëlön di de mbei u hai limbohati sëmbë pakisei, u de kë ko sabi soni u di tuutuu lei (Tja 13:48). I ta feni woto di nama ku soni di ko a njunsu, nasö soni di sëmbë kë sabi nasö di sëmbë ta taki u de.

Unfa i sa wooko ku di pisi aki a di peleikiwooko?

• I musu nango luku soni a di website fuu hii juu. I musu sabi andi da dee soni dee dë a di pisi dë, nöö luku unfa i sa wooko ku dee soni dë u heepi wan sëmbë di kë sabi möön soni. (Ee i kë feni dee soni di de bi buta ko a di pisi aki kaa, nöö go a di home page, nöö zin „Luku möön soni”.) I musu nango ta luku soni a di website fuu hii juu fii sa sabi andi da dee njunjun soni di de buta, di i sa tei u peleiki da sëmbë.

• Wooko ku dee woto ku dee fëlön dee dë a di home page fii sa bigi peleiki da wan sëmbë. Di pisi aki sa heepi u fuu sa feni soni di u sa taki fëën ku dee sëmbë a di pisiwata ka u ta peleiki.

• Lei sëmbë di home page u di website fuu. Konda da di sëmbë andi da so u dee woto dee a sa feni a di pisi aki, nöö lei ën unfa a sa go a di website fuu go suku soni.

• Manda wan link da wan sëmbë. So sëmbë an ta kë fan ku u a di peleikiwooko nasö te u miti de a wan kamian, ma de aantoobi u go a di website fuu. Fëën mbei ja musu biabia u manda wan link da dee sëmbë dee kë sabi möön soni, u de sa go a di home page u di website fuu nasö u manda wan link da de di ta taki u wan woto nasö u wan fëlön di dë a di pisi dë.