A home page fu a website fu wi abi artikel nanga felem di meki fu hari a prakseri fu krin-ati sma di no de Kotoigi (Tor 13:48). Nofo tron a e taki fu sani di ben de fu si na nyunsu noso tori di e hari furu sma prakseri èn di sma e taki fu den.

Fa yu kan gebroiki a jw.org home page te yu e preiki?

• Luku sortu nyun sani de tapu a website. Luku sortu artikel nanga felem de tapu a home page èn prakseri fa yu kan gebroiki den fu yepi wan sma di wani sabi moro. (Fu feni tra sani di ben de tapu a home page no so langa pasa, dan klik tapu „Sori moro”.) Te yu sabi sortu nyun sani de tapu a website, dan yu o man taki fu difrenti tori te yu e preiki gi sma.

• Gebroiki den artikel nanga felem di de fu si tapu a home page fu bigin wan takimakandra. Den artikel nanga den felem disi kan yepi wi fu sabi sortu tori o hari a prakseri fu den sma ini a kontren.

• Sori sma a home page. Sori a sma spesrutu tori èn sori en fa a kan gebroiki a website fu wi.

• Seni wan link gi sma. Son sma no e firi fu taki nanga wi te wi e preiki oso fu oso, ma den wani go tapu a website fu wi. Dati meki wi no musu draidrai fu seni wan link fu a jw.org home page gi sma di wani sabi moro. Unu kan seni wan link fu wan artikel noso fu wan felem di de fu si tapu a jw.org home page.