Japoná kulí chotasi echi página jw.org, nirú jaré oselí alí videos japi niwárami nili jiti echi aʼláala pagótami machinálima Jeobá jitra (Hch 13:48, TNM). Echoná ko ruyéliwa echi namuti jitra japi machina echoná noticias o japi machinali echi pagótami.

¿Chúriká mi aʼlá néema japoná kulí chotasi echi página jw.org jiti mi nawisama?

• Sinibí iné japi kulí machínisimi echoná página. Iné echi oselí japi nirú echoná jw.org alí natá chúriká mi néema japalí mi nawesa (jiti mi auché jaré oselí inema japi kulí buyali japoná kulí chotasi echi página jw.org, rachiná japoná aní “Che iné”). ¡Ami riwimea wiká oselí o jarecho si, japi mi iʼwírima aminabi we aʼlá nawesia!

• Nee echi oselí alí videos japi uchuwi echoná jiti mi chotásima raʼichia echi pagótami yúa. Jepuná mi iʼwírima machiyá piri namuti jitra machinali echi pagótami japoná mi nawesa.

• Riwiri echi pagótami japoná kulí chotasi echi página jw.org. Ruyé piri namuti jitra omérima leeria echoná alí bineri chúriká isima aaya japi machinali.

• Júuli bilé enlace. Jaré pagótami ke kanili tamó yúa raʼichia japalí ti simía nawisasia, nalí a kanili bakiyá echoná página japi ta olá. Jiti la ti omeri júulia echi pagótami bilé enlace jiti bakimea japoná kulí chotasi echi página jw.org, jiti leérima bilé oselí japi nirú echoná o inema bilé video.