Náa ináa ndrígóo Internet, jw.org rígá artículos ga̱jma̱a̱ video rí nigumaratáá mbuyáá xa̱bu̱ bi̱ nandún makuwá kámuu mbiʼi (Hch 13:48). Ikhí naʼthí ga̱jma̱a̱ numuu dí na̱ʼkha̱ náa noticias o rí xa̱bu̱ naʼni maxmiéjúúnʼ.

Xú káʼnii gándoo gájmaa náa nagi̱ʼdu̱u̱ ináa ndrígóo Internet jw.org mu marataráʼa rá.

• Gájtsi gáta̱ya̱a̱ ndiéjuunʼ etsimuu. Atayáá xú káʼnii artículo rígá ga̱jma̱a̱ atatsaʼwáminaʼ xú káʼnii gándoo majmaaʼ náa marataráʼa (mu ma̱ta̱ya̱a̱ artículo rí itháan nuxi̱ʼ dí rígá náa ináa dí nagi̱ʼdu̱u̱, araxnáá clic náa “Atayáá itháan”). ¡Mataxkamaa tikhu rí mambáyáaʼ marataráʼa májánʼ!

• Gajmaaʼ artículos ga̱jma̱a̱ video dí na̱ʼkha̱ náa timbá ináa mu matagíʼdi̱i̱ maratamíjná ga̱jma̱a̱ʼ xa̱bu̱. Ma̱ndoo mambáyáaʼ ma̱ta̱ya̱a̱ dí naʼni maxmiéjuunʼ xa̱bu̱.

• Atasngájmáá náa ináa dí nagi̱ʼdu̱u̱. Aratháán tikhuu tema ga̱jma̱a̱ atasngájmáá xóo gándoo mbayáʼ itháan.

• Ataxúʼmá mbá enlace náa inuu. Tikhun tsénigu̱u̱nʼ dí muʼtámíjná gajmiúlú, mú ma̱ndoo matu̱ʼu̱u̱n náa sitio ndrígúlú. Ikha jngóo xátani̱ a̱jma̱ a̱jkia̱a̱nʼ mu mataxuʼmá mbá enlace náa inún xa̱bu̱ bi̱ nanigu̱u̱nʼ majmañún itháan, rí na̱ʼkha̱ náa timbá ináa o mbá artículo o video.