Makikita sa home page ng ating website ang mga artikulo at video na makakakuha ng interes ng tapat-pusong mga tao. (Gaw 13:48) Kadalasan nang tungkol ito sa mga paksang nasa balita o mga bagay na iniisip o pinag-uusapan ng mga tao.

Paano mo magagamit ang jw.org home page sa iyong ministeryo?

• Regular na tingnan ang website. Tingnan ang mga nasa ilalim ng “Tampok,” at pag-isipan kung paano mo iyon magagamit para tulungan ang isang interesado. (Para makita ang iba pang itinampok sa home page, i-click ang “Tingnan ang Iba Pa.”) Kapag updated ka sa website, makakahanap ka ng mga bagong paraan na magagamit mo sa ministeryo.

• Gamitin ang mga artikulo at video na nasa home page para magpasimula ng pag-uusap. Makakatulong ito para magkaideya tayo sa iniisip ng mga tao.

• Ipakita sa kausap ang home page. Ipakita ang ilang paksa, at turuan siya kung paano ina-navigate ang website.

• Mag-share ng link. May mga taong ayaw makipag-usap sa atin nang personal, pero okey lang sa kanila na puntahan ang website. Kaya huwag magdalawang-isip na magpadala sa mga interesado ng link ng home page o ng isang espesipikong artikulo o video na itinampok doon.