Ja bʼa skʼeʼulabʼil ja bʼa sitio bʼa jw.org ay artikuloʼik sok bideoʼik chapubʼal bʼa oj payjuke ja kristyanoʼik bʼa puesto aye (Hch 13:48). Ja tiw wa xtax notisyaʼik ma ja jas wa xcham skʼujol ja kristyano.

¿Jastal oj bʼobʼ wa makunuk ja skʼeʼulabʼil ja sitio bʼa internet jw.org ja bʼa xcholjel?

• Ochan tikʼan ja bʼa sitio. Ila ja jastik wa xjexi sok pensaran jastal oj bʼobʼ wa makunuk ja bʼa xcholjel (bʼa oja taʼ mas artikuloʼik bʼa ajkʼachto akʼubʼal eluk ja bʼa skʼeʼulabʼil ja jw.org, bʼatsayi ja bʼa wa xyala «Yiljel mas»). ¡Jelni oj skoltaya bʼa oja naʼ jas oja wal ja bʼa xcholjel!

• Amakunuk ja artikuloʼik sok ja bideoʼik wa sjeʼa ja bʼa skʼeʼulabʼil ja sitio bʼa oj wa kʼeʼuk loʼilik. Ojni skoltaya bʼa oja naʼ ja jastik junuk wa xcham skʼujol ja kristyano.

• Jeʼayi ja kristyano ja skʼeʼulabʼil ja sitio. Chiktes jujuntik temaʼik sok jeʼayi ja kristyano jastal oj bʼobʼ sleʼe.

• Jekayi jun link. Ama jujuntik kristyano mini skʼana oj loʼilanuke jmoktik, pe wani skʼana oj ochuke ja bʼa jsitiotik bʼa internet. Ja yuj, moka kʼul dudar oja jekyi jun link ja bʼa skʼeʼulabʼil ja sitio, jun artikulo ma jun bideo ja matik wa skʼana oj snebʼe.