Ka pajina la ku sungula la site la hina la jw.org ku ni tinhlokomhaka ni mavhidiyo, leswi swi nga yendleliwa ku khumba timbilu ta vanhu lava kalaka va nga li Timboni. (Min 13:48) Ku tolovela ku kombisiwa swilo swa nyuwani kumbe swilo leswi vanhu va swi pimisaka ni leswi va vulavulaka hintamu hi swona.

U nga li tirhisisa ku yini a pajina la ku sungula la site la jw.org ansin’wini?

• Tshamela ku nghena ka site la hina nkama ni nkama. Nghena ka site u ya lani ku nge “Swin’wana Leswi Nga Kona,” swaku u vona swilo leswi swa ha ku humesiwaka, u gama u pimisa hi leswi u nga swi tirhisisaka xiswona swaku u pfuna munhu lweyi a tsakelaka. (Swaku u kuma swin’wani leswi swa ha ku humesiwaka ka pajina la ku sungula la site, deketa lani ku nge: “Vona Swin’wana.”) Loko u tshamela ku nghena ka site nkama ni nkama swi ta ku pfuna swaku u tiva timhaka ta nyuwani leti u nga bulaka hi tona ni vanhu ansin’wini.

• Tirhisa tinhlokomhaka ni mavhidiyo lawa ma kombisiwaka ka pajina la ku sungula la site swaku u sungula mabulu. Timhaka leti kumekaka ka pajina la ku sungula la site ti nga ku pfuna ku tiva swaku i mpsini leswi vanhu va vanyingi va pimisaka hi swona.

• Komba vanhu pajina la ku sungula la site. Komba munhu mhaka leyi kumekaka ka pajina la ku sungula la site u tlhela u mu komba swaku a nga yi kumisa ku yini hi yexe.

• Va posele link. Vanhu van’wani a va swi lavi ku bula na hina, kambe va nga ha swi lava ku nghena ka site la hina la jw.org. Se, u nga tshiki ku va posela a link la pajina la ku sungula lava va swi tsakelaka, kumbe u va posela link la vhidiyo kumbe la nhlokomhaka leyi nga kona site.