Ti paaje maa kalge ɓil sid jw.org mono, naa da’ kefder wo de videyo wo ni ga à joŋ ra maa kay wosela ɓuy maaga de sãy laa cwãyn ti mono (Joŋre 13:48). Ti paaje maa kalge ɓil sid sen mono, à wãã ti re maaga wo de hresge defay, maaga à de wããge ti ɓaara noga à de ɗiggi ti ɓaara wo mono.

De maaga ndo de sii wããre mo no, ndo joŋ joŋre de paaje maa kalge ɓil sid jw.org sen na joŋge là?

• Hay kalge ɓil sid ceɓe. Jaŋ fẽẽre maaga wo le de laage ni defay mono, ni ndo kiɗ ɗeŋ maa kay jobo maaga de sãy cwãy ti de ɓe. (Maa da’ fẽẽre maa tigriŋ maaga wo le de laage defay ti paaje maa kalge ɓil sid ni pa mono, du’ ngeel “Ko ni pa” no). Hayga ndo yaŋ jaŋ fẽẽre maa ɓil sid wo tum no, saara kay mo yaŋ de ɗiggi maa defay wo maa sii wããre.

• Joŋ joŋre de kefder wo lan videyo maaga naa da’ ra ti paaje maa kalge ɓil sid wo maa tĩĩ wer ndalge de jare. Kefder wo de videyo sen kay wo naa maa da’ wer ne re maaga jar maa ti jeŋ naa joŋ ge wo ɗiggi ti ɓaara mono.

• Kaŋ nen jar ti paaje maa kalge ɓil sid no. Wãã ti wããre maa kluuri maa ɓil ɓen wo, ni kaŋ nen jee ɓen ti ɗeŋ maaga à da’ yiŋgi jag ti wããre sen wo da’ge la mono.

• Ɓod liyẽ wããre maaga naa da’ ra wo ɓil sid ni ne jare. Jar maapo day wo ndalge de naa go peel deŋ ga, amaa maapo saara mbe de sãy kalge ɓil sid naa ti. Wersen bas bay ɓod liyẽ kefder wo de videyo maa ɓil sid wo ne jar maaga wo de sãy laa cwãy ti mo wa.