ХРИСТИАН ЧУРТТАЛГА
Суртаалга jw.org деп сайтының кол арынын ажыгла
Сайтывыстың кол арынында «мөңге амыдыралга баш бурунгаар шилиттинген бүгү улусту» сонуургадыр статьялар, видеолар бар (Ажч. 13:48). Аңаа колдуунда медээлерде үнүп турар азы улусту дүвүредип турар темаларны сайгарар.
JW.ORG деп сайтының кол арынын суртаалга канчаар ажыглаар?
-
Сайтче үргүлчү кирип тур. Кол арында «Шилиттинген чүүл» деп кезекте үнүп турар дептерлерже кичээнгейни сал. Улус-биле Бурган дугайында чугаалажырда, оларга кандыг материалдар солун болурун бодан. Ынчан суртаалдаар чаа-чаа темаларлыг боор сен. (Ол кезекке чоокта чаа үнүп турган материалдарны тып аар дээш, «Оон-даа хөйнү көрүңер» деп кнопканы базыптыңар.)
-
Чугаа эгелээрде, кол арында статьяларны болгаш видеоларны ажыгла. Ында темалар сээң чериңде улуска солун бооп чадавас.
-
Улуска кол арынны көргүс. Дыңнакчының кичээнгейин аңгы-аңгы темаларже угландыргаш, херек информацияны канчаар тып алырын тайылбырлап бер.
-
«Үлежир» деп функцияны ажыгла. Чамдык улус бистиң-биле хууда чугаалажыксавас. Ынчалза-даа сайтче кириксээр боор. Ындыг кижиге кол арынның азы кандыг-бир статьяның, видеонуң шөлүүн чүге чоргузуп болбас деп?