Ta sjajchibal te página yuʼun te jw.org ay articuloetik sok videoetik te chajpanbil yuʼun ya stijbey yoʼtan te ants winiketik te machʼatik ya smulanik (Hch. 13:48). Tey ya xchiknaj temaetik te ya xkʼax ta noticia o te bin ya yakʼ smel yoʼtan te ants winiketike.

¿Bin-utʼil ya xjuʼ ya atuuntes te sjajchibal página yuʼun te jw.org ta scholel skʼop Dios?

• Ilame awil te bintik ya xlokʼ ta página kuʼuntik ta Internet. Ilawil te articuloetik te ya xjuʼ ya akʼoponxan sok nopa bin-utʼil ya atuuntes ta scholel skʼop Dios. (Yuʼun ya xjuʼ ya awil yantik articuloetik te lokʼelikto ta sjajchibal te página yuʼun te jw.org, pʼea te ban ya yal «Yilelxan»). ¡Yame ata koltayel yuʼun leknax ya ajach te awaʼiyej ta scholel skʼop Dios!

• Tuuntesa te articuloetik sok te videoetik te ay ta sjajchibal página yuʼun ya ajach awaʼiyej. Ya xjuʼ ya skoltayat ta snaʼel te bin ya x-akʼbot smel yoʼtan yuʼun te ants winiketik.

• Akʼa ta ilel te sjajchibal página. Albeya skʼoplal cheʼoxebuk temaetik sok akʼa ta ilel bin-utʼil ta leel te información.

• Tikunbeya te enlace. Ay chaʼoxtul te maba ya smulanik te ya xkʼopojotik soke, pero ya smulanik te ya x-ochik tey ta página kuʼuntik ta Internet. Jaʼ yuʼun tikunbeya jun enlace te ants winik ta sjajchibal página, yuʼun jun artículo o jun video te ya smulane.