Aruọbe rẹsosuọ rẹ wẹbsaiti rẹ avwanre vwo iyovwinreta kugbe ividio sansan re ruru ri se si ihwo re dia Iseri ri Jihova-a ri vwo ẹwẹn esiri urhuru. (Iru 13:48) Iyovwinreta re vwomaphia vwẹ iyẹnrẹn yẹrẹ oborẹ ihwo roro je ta ota kpahan yen a vwọphia vwọ ọkieje.

Idjerhe vọ yen wọ sa vwọ vwẹ aruọbe rẹsosuọ rẹ jw.org vwo ruiruo vwẹ iruo rẹ aghwoghwo wẹn?

• Rhie wẹbsaiti na nọke ra ruọke. Vwo oniso rẹ emu kpokpọ rọ ro ẹbẹre rẹ erọnvwọn ra vwọphia, rere wo roro kpahen oborẹ wọ sa vwọ reyọ vwọ vwẹ ukẹcha kẹ ohwo ro dje owenvwe phia. (Wọ sa vwọ mrẹ erọnvwọn kpokpọ efa re phi phiyọ aruọbe rẹsosuọ na, kliki rẹ “Mrẹ Efa.”) Wo de rhie wẹbsaiti na ji se evuẹ kpokpọ re phiẹ phiyọ nọke ra ruọke, e cha chọn wẹ uko vwo vwo ena kpokpọ wo se vwo ruiruo rẹ aghwoghwo na.

• Reyọ iyovwinreta vẹ ividio rẹhẹ aruọbe rẹsosuọ na vwọ ton otaẹtakuẹgbe phiyọ. Ọnana sa chọn avwanre uko vwọ riẹn oborẹ ihwo rehẹ ekogho re de ghwoghwo se roro kpahen.

• Dje aruọbe rẹsosuọ na kẹ ihwo. Djunute iyovwinreta evo kiriguo, rere wo ji dje oborẹ ohwo na sa vwọ guọnọ evuẹ efa vwẹ wẹbsaiti na.

• Vwẹ ilinki na vwo rhe ihwo. Ihwo evo siomauko ayen vwo nene avwanre ta ota, ẹkẹvuọvo ayen vwo owenvwe rẹ ayen vwo kpo wẹbsaiti rẹ avwanre. Ọtiọyena, wo siomauko wo vwo jẹ ilinki ro se muẹ ohwo kpo aruọbe rẹsosuọ na yẹrẹ uyovwinrota ọvo kiriguọ yẹrẹ ividio e vwo rhe ihwo-o