Siaṱari ḽa u thoma ḽi re kha website yashu, ḽi na thero na vidio dzo itelwaho u kunga vhathu vha mbilu dzavhuḓi vhane vha si vhe Ṱhanzi Dza Yehova. (Mis 13:48) Kanzhi dzenedzo thero dzi haseledza nga ha mafhungo ane a khou itea shangoni kana zwithu zwine vhathu vha khou zwi humbula na u amba nga hazwo.

Ni nga shumisa hani siaṱari ḽa u thoma kha jw.org tsimuni?

• Dzulani ni tshi dalela website yashu. Sedzani zwithu zwiswa-zwiswa zwine zwa bvelela kha website, ni humbule uri ni nga zwi shumisa hani u thusa muthu ane a takalela. (U itela u wana zwiṅwe zwithu zwiswa zwo dzheniswaho kha siaṱari ḽa u thoma, puṱedzani ho ṅwalwaho u pfi “Vhonani Zwiṅwe.”) U dzula ni tshi ḓivha nga ha zwithu zwine zwa dzheniswa kha website yashu, zwi ḓo ni thusa u wana zwithu zwiswa zwine na nga zwi shumisa tsimuni.

• Thomani nyambedzano ni tshi shumisa thero na vidio dzi re kha siaṱari ḽa u thoma ḽa website yashu. Zwine ra zwi wana henefho zwi nga ri thusa u ḓivha zwine zwa khou humbulwa nga vhathu vhane ra huwelela khavho.

• Sumbedzani vhathu siaṱari ḽa u thoma. Vhudzani muthu nga ha thero dzi re kha website, ni mu sumbedze na uri a nga wana hani mafhungo khayo.

• Rumelani ḽinki. Vhaṅwe vhathu a vha ṱoḓi u amba na riṋe nga ho livhaho, fhedzi vha a ṱoḓa u dalela website yashu. Nga zwenezwo, ni songo tata u rumela muthu ane a takalela ḽinki ine ya ḓo mu isa kha siaṱari ḽa u thoma, thero kana vidio.