Nuꞌmu̱ Job bi thogi po yä däta xuñha, näꞌä bi ꞌñenä ge pa geꞌä rä bida mi ngu nꞌa rä ꞌme̱fi xi xmä ñhei (Job 7:1; w06-S 15/3 rä nxii 14, rä parr. 10).

Koꞌmu̱ Job xa mi sufri, näꞌä mi ne toꞌo dä yꞌo̱tsꞌe näꞌä mi senti (Job 7:11).

Job bi mää ge mi ne dä du (Job 7:16; w20.12-S rä nxii 16, rä parr. 1).

Mu̱ gi senti ge ya hingi tsa gi ze̱ti, xatuäbi Jeoba ꞌne xipäbi gatꞌho näꞌä gi senti. ꞌNehe dä za gi xipäbi näꞌä gi thogi nꞌa ri amigo näꞌä gi handi ge dä za dä maxꞌäꞌi. Mu̱ gi pe̱fi njabu̱, gi nuhmä ge ma gi senti mänꞌa xä ñho (g-S 1/12 yä nxii 16, 17).